لوجو جهينه الجديد


من كم يوم نزلت فيديو برصد فيه الحالة اللي حصلت بعد الكشف عن لوجو شركة #جهينه

بالتزامن انتشر كم جيد من المساهمات بغرض تعديل الشعار و طرح بدائل له. 

الاجتهادات و المساهمات اللي انتشرت الكم يوم اللي فاتوا في تعديل لوجو #جهينه كلها ممتازة بس افتكر انك شغال بدون ضغط و ديدلاين و عميل كبير واقف على راسك و منظومة من الضغط النفسي و العصبي.

لآن و انت شغال كنت قاعد في اوضتك، مكتبك و بتفن بمزاجك و لمزاجك لا مستني رأيي ولا مردود مادي. شغال بأريحية لانه في الاخير ليك.

و الدليل انك لما بتاخد مشروع بجد مش دايما بتطلع نفس المستوى و تسمع انتقادات من العميل من النوع ده :

– مش عجبني، مش نفس المستوى اللي شفته في شغلك اونلاين
– حلو بس ورينا حاجة تانية

سهل أوي اننا نعمل رجالة و نفرد عضلاتنا طالما الموضوع مش لينا و مطروح للعامة

كل كم يوم المصممين ينشروا شغل تحت عنوان unapproved option
و تشوف الشغل تلاقيه حلو و مقبول و تستغرب ده اترفض ليه.
أقولك أنا ليه !..
لأن ببساطة انت بتحكم على كشغل عمل فني قدامك و بس.
العميل بيحكم عليك قبل ما يحكم على الشغل.
العميل بينبهر بأسم و جنسية الشركة و المصمم اللي شغل و اسمه.
العميل في الآخر فرد عادي لو مقتنعش باللى بيعمل الشغل قبل الشغل مش هياخد الشغل.

ممكن تكون مصمم جامد بس عندك مشاكل في التواصل في الشرح في في العرض أو حتى في اللبس.

من الاخر الموضوع له جوانب كتير فبلاش ننظر اوي خصوصا اننا في كلنا المطبخ.

و برضه النسخة العربي من اللوجو فيها مشاكل و مش عجباني انا كمان 😁

 

Comments

comments

Powered by Facebook Comments