تلقيت حوالي 60 سؤال اغلبهم يحتاج الي سطور للرد عليها. سأقوم بنشر الإجابات تباعا في مقالات مختلفة من اليوم وحتى آخر الشهر الحالي في حال وجود سؤال يرجى إرساله هنا و تأكد إني سأقوم بالرد عليه في إحدى المقالات التالية. ارسل سؤالك هنا
كيف تحصل على عملاء مميزين بالنسبة للعمل كمصمم حر ؟
ج : جملة عملاء مميزين تحمل أكثر من معنى. فهل تقصد بها عملاء كبار أم ملتزمين في الدفع أم مستمرين في العمل معك على اكثر من مشروع.
في رأي العميل المميز بإمكانك الحصول عليه إذا كان عملك مميز. احرص على تحديث صفحة أعمالك بشكل دوري تواصل مع الكل لا تتباطأ في الرد على العملاء.
و أعلم أن شبكات التواصل والإنترنت عامة اعطي فرص متكافئة للكل فلا محسوبية او تفضيل ألا بعملك.
إيه الفرق بين البراند والبراندنج والهوية في تصميم الشعار ؟
ج : ده حاجة و ده حاجة و دي حاجات. معني الـ Brand هو علامة تجارية قائمة بذاتها و معروفة لدى الجموع العلامة دي ممكن تكون لشخص او فئة او جماعة او دين او شركة او منتج او حزب .. الخ.
أما الشعار و الهوية البصرية هو الجانب البصري في عملية صناعة العلامة التجارية وتشمل مجموعة الألوان و الشعار و الثيم العام المستخدم في اغلب الاعلانات المرئية والمطبوعة و ذلك لبناء وتوحيد الصورة الذهنية في عقل المتلقي و من ثم سهولة التعرف عليها لاحقا.
إذن العناصر السابق ذكرها هي عناصر مكملة في عملية
احكى لنا بالتفصيل عن ازاى عرفت هتتخصص فى ايه وبعد كام سنه معرفه عامه زى اى مصمم مبتدأ ؟
ج : سؤال ممتاز. انا شايف ان التخصص بيكون هوى شخصي بالإضافة إلى دفع من العملاء. مثلا في حالتي لقيت كتير من العملاء تدفعني لتصميم شعارات و ده اللي خلاني اركز اكتر في الجانب ده.
كمصمم مبتدأ التخصص بيكون خلال سنة و نصف تقريبا لو بتشتغل بصورة مستمرة. و لازم تعرف دائما أن التخصص هو اللي بيناديك مش العكس.
بعد ازدياد عدد المصمم في العالم العربي هل تتوقع ان مجال الدعاية والإعلان سيكون أفضل أم لا ولماذا ؟
ج : الأهم من زيادة عدد المصممين هو زيادة جودة الأعمال المطروحة منهم. بالتأكيد المجال في تطور مستمر و في حالة تنقيح تلقائية فكما ذكرت سابقا الشبكات الاجتماعية بها أدوات تقييم مستمرة للأعمال و هي من تحدد من الاول و من الاخير دوريا.
و بالتأكيد مجال الدعاية والإعلان بيكون أفضل و في تطور مستمر بسبب اتساع السوق. سوق التصميم ثابت سوق الإعلان و ألية طرحه دائما مستمرة.
شايف نفسك فين كمان 5 سنين ؟
ج : السؤال الصعب السهل. سهل اقولك شايف نفسي انجح شخص بس صعب اوعدك بتحقيق ده. انا كل يوم و كل وقت و كل موقف اسأل نفسي السؤال ده. حقيقي مش عارف. في ناس شايفة نفسها متجوزة ، صاحب شركة، كبير المقام، أكثر ثراء. بالنسبة لي خسارة اقيد نفسي بمكان معين او انجاز واحد. اقدر اقولك شايف نفسي عامل حاجات كتير و فايد ناس اكتر في أي مكان كنت. مش مهم اكون صاحب شركة مكتب بس اللي اقدر اقوله اني شايف نفسي أقوي.
كيف ابدا في التصميم؟ يحتاج يكون معي شهاده؟ ولا يكتفي في عرض الاعمال ؟
ج : كل ما تحتاجه ورقة و قلم و مجموعة افكار. في البداية اعتمد على النظر كثيرا لأي وكل عمل يأتي أمامك و ذلك لبناء ذاكرة مصورة خاصة بك. تذكر أن أعمالك ثم أعمالك ثم أعمالك هي أهم و أقوي ممثل لك و بعدها تأتي الشهادة. لكن لا تسعي للحصول على شهادة اعتماد من مركز تصميم أو غير ذلك فقط. ركز في متابعة مصممين جيدين و جدد و اعدك ان خلال 6 أشهر سترى مجموعة أعمال جيدة
لسه خبرتى سنه تقريبا تنصحنى لما اعمل cv واقدم لشركات جرافيك بايه ؟
ج : خبرتك سنة فترة كافية جدا. ارفع عدد معقول من الأعمال على صفحتك و ابدا دور على شركات في اعلي من مستوي شغلك شوية. عشان انت في فترة اعداد لسه محتاج تشتغل مشاريع متنوعة في وقت ضيق.
يعنى ايه (Finalizer) مصمم جرافيك تنفيذى وايه الفرق بينه وبين ان ينطلب مصمم جرافيك بس ؟
ج : زي ما قلت هو مصمم جرافيك تنفيذي. بيكون على دراية كاملة ببرامج التصميم الطباعي زي Photoshop, illustrator لكن بشكل تقني اكتر من فني. عمله بالأساس بيكون بعيد عن انتاج رسوم او تصميم شعارات الي اخره. أساس مهامه هي تجهيز ملفات لطباعة و المراجعة عليها ، تحضير علب للبطاعة و تحديد أماكن القص و الثني الي اخره مع مراجعة الألوان و فصلها. مراجعة النصوص بناء و رسم الشعارات للتأكد من صلاحيتها للطباعة. أعمال لها علاقة اكثر بتنفيذ محتوي التصميم عن بناء محتوي التصميم.
كيف تتغلب على اوقات الاحباط او الاحساس بالفشل او ان ملكش مزاج تشتغل او مش مقبل على الشغل ؟
من أصعب الأوقات اللي ممكن تمر على أي مصمم انك مش عاوز تشتغل بس مضطر تشتغل. الحقيقة أكون كذاب لو قلت لك ان في طريقة واحدة ثابتة لعلاج الحالة دي بس ممكن أقولك انا عن نفسي بعمل ايه لما بمر بالحالة دي.
١- فكر نفسك دايما انت شغال ليه ! بدأت ليه. أكتب هدف أي كان حجمه و خليه في مكان ظاهر قدام عينيك.
٢- أبعد عن الشغل و غير الوضع الروتيني اللي انت فيه حتي لو كان عندك مواعيد تسليم. انزل مع اصحابك روح سينما المهم تغير الوضع اللي انت عليه من فترة
٣- لما ترجع للمشروع اللي انت شغال عليه حدد وقت و اتلزم بيه قدام حد. يعني مثلا ممكن تدخل على صفحتك الخاصة في الفيسبووك و تكتب حرفع مشروع بعد ساعة او ساعتين. القصد انك تلزم نفسك و انت شغال و كل ما تلزم نفسك اكتر كل ما فرص انجازك للعمل حتكون اسرع.
٤- فكر في اللي بيسبقك و انت غرقان في وهم الاكتئاب. و غالبا اللي بيحاول يسبقك ده أقل منك في المستوي الف مرة بس ممكن يكون مجتهد شوية
٥- كل شيكولاتة اتفرج على فيلم انميشين
ما سبق كان الجزء الأول من سلسلة الأسئلة. لو عندك أي سؤال ممكن ترسله هنا ارسل سؤالك هنا
