تقرير عن منحة التصميم


IMG_4213

اعلنت من شهرين عن منحة التصميم الجرافيكي المجانية تحت رعاية معمل. و بالفعل شارك بها العديد من المهتمين بالمجال سواء مصممين او غيرهم. كان العدد المقرر لهذة المنحة من فردين الي ثلاث لكن نظرا لعدد المتقدمين قمنا باختيار ٧ افراد. مر علي هذة المنحة اكثر من شهرين قمنا فيها بالتعاون في الكثير من المشاريع بالاضافة الي حلقات النقاش و الشروحات المختلفة. و مع قرب نهاية المنحة الأولي قمت بتوثيق هذة التجربة عن طريق رواد هذة المنحة.

فتحي

كانت فرصة حلوه جدا اني اشوف الاعلان عن المنحة على المدونة وخصوصا اني متابعها بشكل اساسي و خدت الخطوة او الفرصة عشان احتك بخبرات بعيد عن الكليه العقيمة اللي مافيش منها فايدة ولقيت في المنحة اللي استحاله هلاقيه في الكلية. استفدت بشكل كبير من الاحتكاك ببيئة العمل وانا لسه في فتره الكلية و من التعامل مع أ/ عزت والاصدقاء المبدعين في المنحة. اما عن التعريف بنفسي اسمي فتحي حواس بدرس جرافيك ديزاين في كليه فنون وتصميم جامعه فاروس مستني اخلص الكلية دي بتقدير كويس ان شاء الله وهاشتغل على مشاريعي الخاصة اللي هي هاتبقى Art for Art وده طبعا مابياكلش عيش في البلد دي عشان كدة هاحاول اوفق بين الوظيفة في شركة اعلانات معينه و بين المشاريع دي لحد ما اوصل للحاجة اللي في دماغي اللي منها هاقدر احقق ال Vision بتاعتي ان شاء الله وحلمي اعرف اعدل الثقافة اللي انحدرت واغير مفهوم الفن عند الناس انه مش اكسسوار او ترفيه. لا الانسان مولود بالفن جواه ونفس اللي خلاني اقدم في المنحة هايخليني افضل احسن من نفسي ان شاء الله .لن تكون رجل عظيم الا بعد الم عظيم

مرضي

أنا مرضى محمد الزعويلى معروف فى المنحة بي الزعويلى فى آخر سنة هندسة (ربنا يخرجنا منها على خير) بدأت فى الجرافيك من 3 سنين كدة وحبيت الموضوع الصراحة ممكن نقول أكتر من هندسة أصلا. شوفت إعلان المنحة علي الفيسبوك قولت أيوة بقى سيبونا ناخد فرصتنا يا أخى . قدمت وعملت انترفيو (كنت طالع حاسس انى اتقبلت واتقبلت وكانت حاجة زى الفل .. بجانب المحتوى الرائع كفاية اتعرفنا على عزت “الأخ الروحى” والناس الحلوة من معمل. عاوز أذاكر وأخلص عشان أفضى و أشتغل وأقرا أكتر و أعمل رياضة وأظبط العبادات والقرآن..أتعلم حاجة جديدة دايما،أتجوز (ضيف هنا أحلام مشتركة) أعمل حاجة رائدة فى حاجة. مفيش مانع أعمل محل ورد. اسافرسفر ترفيه، حج..أخللى عيالى دماغهم أعلى منى..حاجة بعد ما أموت تفضل تقول مرضى مرضى مرضى

IMG_4189IMG_4153محمد محمود

أسمى محمد محمود 27 سنة خريج كلية تربية أشتغلت بعد ما أتخرجت مدرس لمدة عام واحد و لأنى بأحب التصميم جدا جدا أتعلمت التصميم self study بداية من الـ Photoshop اللى بيتعبر مدخل أى حد للمجال, ثم بعد كده مجموعة من البرامج التانية زى الـ illustrator و InDesign و Corel … و من هنا قررت أبدأ مشروعى كمصمم دعاية و بالفعل فتحت مكتب صغير مع شريك ليا و بعد كده أستقليت بمشروعى الخاص , طموحى هو أحتراف مجموعة برامج ال Adobe كلها و أنى أكون certified instructor لـ Adobe و بكده أكون دمجت بين تعليمي الأكاديمى كمدرس و هوايتى و حبى لمجال التصميم كمصمم مدرس  قدمت فى الـ Internship فى معمل مع بشمهندس : عزت -ربنا يجازيه خير يارب على اللى قدمه لفريق المنحة كله و اللى عمره ما قصر معانا , أعتقد من المستحيل دلوقتى تلاقى حد ممكن يديك خبرة عمره و شغله بدون مقابل – عن معمل بصراحة تجربة محترمة جدا قابلت فيها مجموعة من الناس المبدعين و المحترمين اللى عندهم طموح و خيال و موهبة فى مكان جميل ومحترم زى معمل

أمل

أسمي أمل ختعن فنانة تشكيلة ومصممة جرافيك. خريجة كلية الفنون الجميلة 2013 قسم جرافيك. دخلت الكلية لأني كنت بحب ارسم بس كنت داخلة خايفة لاني كنت مش عارفة ازاي حوصل لمستوى الفنانين اللي بحب شغلهم لما دخلت الكلية اتفجأت بالدنيا اللي جواه وبدأت اركز في الحاجات اللي بحبها عن غيرها واتعلمت حاجات جديدة و اكتر شئ اتأكدت منه ان الفن هو الحاجة اللي حعيش حياتي كلها بعملها. حاليا بكمل ماجستير في نفس القسم. من اهم احلامي اني استفيد بفني في اني اغير من الدنيا اللي حوليا بمفهوم art is for every one . واقدر اكمل الماجستير بتاعي بره خاصة لو في السويد طبعاً في فرق كبير ما بين جو الكلية والمعارض وبين التصميم كمهنة علشان كده لما لاقيت اعلان المنحة على ال blog كانت فرصة ممتازة بالنسبة ليا اني احتك بناس تانية واتعلم حجات كتير عن التصميم من حد كنت بتعلم من مقالاته وشغله وابدأ بشكل صح في التصميم من خلال بيئة عمل زي معمل لان بيئة العمل بعد التخرج بتكون اكبر صدمة للمصممين.

IMG_4181 IMG_4168

نبيل

أسمى نبيل بس ممكن تقول “بلبل” شخصية طفولية رغم أنى كلها كام شهر وأكون شاب ذو العشرين عاماً لكن هذا لا يهم العمر ليس إلا رقماً. لا أتذكر متى كانت أول مره كنت منبهر بالرسوم المتحركة وبالألوان و كيفية جعل الناس سعداء من مجرد تركيب الوان او خطوط متصلة بعضها البعض، لا أحب ان أكون مبالغ ولكن قد بدأت أن ابحث في سن العاشرة عن كيفية عمل هذه الأشياء كيفية جعل الناس سعداء من رسوم و الوان الذى قد عرفت فيما بعد انها تدعا الجرافيك و الرسوم المتحركة و ذلك بعد عناء طويل منى في هذا السن و لم يمضى الكثير وقد قمت بجمع كل ما احتاجه لكي اخطوا اول مرحلة في نشئت عالمي الخاص و مع بداية أول عمل في الصف السادس الى الأن لم أشعر أنى قد خطوت سوء ما يجعلني أنى مصمم هاوى يعمل كيف يستخدم البرامج لعمل بعض التأثرات فحسب بالفعل قمت بعمل مشاريع و تصميمات ولكن لم يكن هناك الرضا على العمل رغم أنه كان يعجب الجميع عند رايته كنت أستشعر بأن هناك شيء ناقص في كل عمل و لهذا السبب كان الدافع لي في العثور على شخص يدعني على بداية الطريق واعتقد انى وجده و بقدر الإمكان أحاول عدم البعد عنه للأن أرى أنى أسير في طريق الصحيح لتحقيق حلم الطفلة أستاذ عزت أنت كنز شكرا ليك

زنك

كانت فرصة مهمة بالنسبالي المنحة في اني اتعرف على ناس كتير من المجال دا, و اني اتعرف على حد صاحب علم كبير زي عزت, قدمت فيها, استفدت كتير جدا في الايام اللي فاتت من كل الناس اللي اتعاملت معاهم في المنحة, سواء من المتقدمين معايا او من عزت او من الناس في معمل, كل واحد ليه مجاله مبدع فيه و بيفيد اللي حواليه دا غير ان الجو العام في المجتمع دا مختلف, كله بيشجع التاني بشكل تنافسي لطيف انه يشتغل و يطلع احسن ما عنده, دا بجانب تعليمات عزت اللي دايما في محلها, ممكن للحظة الاولى مقتنعش لكن بعد بيثبلتي انه صح, طورت نفسي الى حد ما في graphic design و ان شاء الله اللي جي اقوى من كدة هدفي في المستقبل ان ادمج بين الهندسة و الفن في اعمال مختلفة

Comments

comments

Powered by Facebook Comments

+ There are no comments

Add yours

Solve this equation to add your comment * Time limit is exhausted. Please reload CAPTCHA.